Նախկին պոռնոաստղ ու Քալիֆորնիայի նահանգապետի նախկին թեկնածու Մերի Քերին սեքսի բացակայության պատճառով բաժանվում է ամուսնուց

Նախկին պոռնոաստղ ու Քալիֆորնիայի նահանգապետի նախկին թեկնածու Մերի Քերին բաժանվում է ամուսնուց սեքսի բացակայության պատճառով, գրում է TMZ–ը:

Մերին վստահեցնում է, որ ամուսնու՝ Մարիո Մոնգեի (դերասանուհու երկրորդ ամուսինն է) հետ սեքսն իրեն չի բավականցնում: Այդ իսկ պատճառով 35-ամյա դերասանուհին անցած շաբաթ ապահարզան է պահանջել: Մերին հայտարարում է, որ Մարիոն ուզում է իրեն  տնային տնտեսուհի դարձնել ու ստիպում է վերականգնել իր իսկական անունը՝ Մերի Էլեն Քուք:

Պոռնոաստղի ու Մարիոյի ամուսնական կյանքը տեւել է վեցուկես տարի: Մերին ամուսնուց պահանջում է մշտական գումարային աջակցություն, երկու ավտոմեքենա ու բնակարան Հյուսիսային Հոլիվուդում  ու վստահ է,  որ  դատապաշտպանները կօգնեն,  որ ինքն այդ ամենը «կորզի» իր նախկին ամուսնուց:

Մերին հայտնում է, որ արդեն պատրաստ է հանդիպել ուրիշ տղամարդկանց հետ ու հնարավորինս շատ սեքսով զբաղվել:

Նշենք, որ 1980 թ ծնված Մերի Քերին  30 տարեկանում արդեն հասցրել էր ավելի քան 80 պոռնոֆիլմերում նկարահանվել: Քաղաքականությամբ սկսել է հրապուրվել 2003 թ. երբ առաջադրել է իր թեկնածությունը Քալիֆորնիայի նահանգապետի պաշտոնի համար: Պատասխանատու պաշտոնի համար պայքարը զուտ խորհրդանշական էր, այն ընդամենը եւս մեկ անգամ ուշադրություն գրավեց նրա հիմնական մասնագիտության նկատմամբ՝ կատարելով գովազդի դեր: