Գարունը մեզ արդեն վաղուց ստիպել է մարզակոշիկներ հագնել: Մենք ընտրել ենք այս գարնան երեք ամենաարդիական եւ ոճային համադրությունները:
Մարզակոշիկներ + միդի
Միդի երկարությունն առաջվա պես նախընտրելի միտումներից է համարվում, իսկ մարզակոշիկները, առանց չափազանցության, դրան իդեալականորեն են համապատասխանում: Ծնկից ներքեւ զգեստներն ու կիսաշրջազգեստներն ընդգծում են շքեղ ոտքերը` թույլ տալով անկրունկ կոշիկների առկայությունը:
Ուշադրություն դարձրեք մարզակոշիկների առավել լակոնիկ մոդելներին կամ էլ, ընդհակառակը, ընդգծված կոշտ եւ մեծ տարբերակներին:
Մարզակոշիկներ + ջինսեր
Սեզոնի ամենաայժմեական դենիմը կարճացված ջինսերն են` կտրված եզրով: Իմիջիայլոց, պատառոտված եզրով նմուշները նույնպես մոդայիկ են: Այդ համադրությունն ունիվերսալ է մարզակոշիկի ցանկացած մոդելի համար` վազքի կոպիտ կոշիկներից մինչեւ մինիմալիստական եւ հակառակը` բարդ նախշազարդերով մոդելներ:
Մարզակոշիկներ + տաբատով կոստյում
Տաբատով կոստյումն ու մարզակոշիկներն ընդամենը թվում են լիովին անհամատեղելի: Իրականում երկմաս կոստյումը մեղմող իդեալական զույգ կդառնան սնիկերսները:
Իհարկե, պետք է հասկանալ, թե որտեղ ես որոշել երեւալ այդ այժմեական հանդերձանքով. ընկերուհիների հետ հանդիպմանը կարելի է խիզախորեն հագնել ինքնատիպ մոդելի մարզակոշիկ, իսկ աշխատանքի գնալու համար լավագույն լուծումը կդառնան վերոհիշյալ մոդելները «սուպերսթարների» ոճով (սպիտակ մարզակոշիկներ, առանց ավելորդ մանրամասների եւ շեշտերի):
Աղբյուրը՝ Cosmo