«Միսս Տիեզերք Պուերտո-Ռիկո 2016»- ը զրկվել է իր թագից
17:09 18 մարտի, 2016Միսս Տիեզերք «Պուերտո Ռիկո 2016» 24-ամյա Քրիսթհիելի Կարիդեն զրկվել է թագից իր կարգավիճակին անվայել վարքագծի պատճառով: Կայացված որոշման մանրամասները չեն հայտնում:
Ինչպես գրում է E–ն, այս որոշման պատճառն այն հարցազրույցն է եղել, որի ժամանակ նա հայտարարել է, որ առհասարակ չի սիրում տեսախցիկներ:
Մրցույթի կազմակերպիչները որոշել են, որ «Միսս Տիեզերք Պուերտո Ռիկո»-ին կփոխարինի Ագուադիլյա նահանգի ներկայացուցիչ Բրենդա Խեմինեսը:
«Ես շատ ուրախ եմ ու միաժամանակ շատ հուզվում եմ: Դեռ չեմ հասկանում ինչ է կատարվում»,- պատմել է Խեմինեսը լրագրողներին:
Նշենք, որ Կարիդեն առաջին անգամ չէր մասնակցում մրցույթին՝ 2013 թ. նա կիսաեզրափակիչ էր դուրս եկել: