Ինգուշ միլիարդատերը Ջենիֆեր Լոպեսին, Սթինգին եւ Իգլեսիասին 3 միլիոն եվրո է վճարել որդու հարսանիքի համար
10:01 28 մարտի, 2016Երեկ մենք ձեզ պատմեցինք այն մասին, որ շաբաթ երեկոյան «Ռուսնավթի» համասեփականատեր Միխայիլ Գուցերիեւի որդու՝ Սաիդ Գոիցերիեւի հարսանիքին ելույթ են ունեցել Սթինգը, Ջենիֆեր Լոպեսը, Փատրիսիա Կաասը, Էնրիկե Իգլեսիասն ու Ալլա Պուգաչովան: «Ռուսնավթի» սեփականատիրոջ որդուն այդ կարեւոր իրադարձության կապակցությամբ շնորհավորելու էր եկել նաեւ Ինգուշեթիա Հանրապետության նախագահ Ռուսլան Աուշեւը:
LifeNews-ը նշում է, որ հայտնի են դարձել հատուկ այդ հարսանիքի համար Մոսկվա ժամանած հանրահայտ երգիչների հոնորարների չափերը: Պարզվում է, որ 600 մարդու համար նախատեսված հանդիսության կազմակերպմամբ զբաղվում էր Իգոր Կրուտոյի «ԱՌՍ» ընկերությունը:
Ջենիֆեր Լոպեսի ելույթի համար Գուցերիեւները մեկ միլիոն եվրո են վճարել: Մեկուկես միլիոն եվրո է ստացել Սթինգը, իսկ Էնրիկե Իգլեսիասը միլիարդատիրոջ հարսանիքին երգել է 500 հազար եվրոյով: Ամենաքիչը ստացել է Ալլա Պուգաչովան՝ նա բեմ է դուրս եկել 300 հազար եվրո հոնորարի դիմաց: