Mashable կայքը երեկ անդրադարձել է Երեւանում ծնված, բայց Մոսկվայում բնակվող, դիմահարդար, ոճաբան Գոհար Ավետիսյանին՝ վերջինիս անվանելով կերպարանափոխությունների փերի:
Instagram-ում 22-ամյա Գոհարի էջին հետեւում են մոտ 2,2 միլիոն օգտատեր: NEWS.am STYLE-ը վստահ է, որ կայքի այս հոդվածից հետո, բաժանորդների թիվը կաճի: Իր էջում դիմահարդարը պարբերաբար նոր հոլովակների եւ լուսանկարների միջոցով ցուցադրում է իր աշխատանքները «առաջ» եւ «հետո» տարբերակով:
Գոհարը նաեւ չի մոռանում իր արմատների մասին: Հայուհին հրապարակել է հայկական եկեղեցու լուսանկար՝ մեկնաբանության մեջ գրելով «Աշխարհին խաղաղություն» եւ ավելացնելով «Աղոթենք Հայաստանի համար» հեշթեգը: