Աշխարհահռչակ System of a Down ռոբ խմբի մենակատար Սերժ Թանկյանի՝ վերջին օրերին ղարաբաղա-ադրբեջանական հակամարտ զորքերի շփման գծում հակառակորդի ձեռնարկած բացահայտ հարձակողական գործողությունների մասին բարձրաձայնելու եւ իր աջակցության խոսքն արտահայտելու մասին արդեն խոսել ենք։
Այժմ գործընկերոջն է միացել խմբի բաս կիթառահար Շավո Օդաջյանը։ Վերջինս Instagram-ի իր էջում հրապարակել է հայ քաջարի զինվորների՝ Հայաստանի եւ Արցախի միասնությունը խորհրդանշող լուսանկարը:
«Մեր հպարտությունը վարակիչ է։ Հպարտ եմ, որ հայ եմ»,- նկարի ուղեկցող մեկնաբանության մեջ գրել է Շավոն՝ ավելացնելով #Armenia #artsakhstrong #artsakh #karabakh #army #flag #artsakhstrong հեշթեգերը։
Ի դեպ, System of a Down-ի թմբկահար Ջոն Դոլմայանը նույնպես աջակցել է Հայաստանին՝ Instagram-ում տեղադրելով հայոց հաղթանակած բանակի ուղղաթիռների եւ տանկերի լուսանկարը։
Նշենք, որ հենց այս նույն նկարն էին հրապարակել նաեւ ամերիկյան հեռուստաաստղ Քիմ Քարդաշյանն ու Platinum Motorsports-ի սեփականատեր Ջորջ Քեշիշյանը։