Տվյալ սննդակարգը կոտորակային սնունդ է ենթադրում, կարճ ընդմիջումներով (2 ժամ): Դրա շնորհիվ դուք քաղցի զգացում չեք ունենում: Եվ նույնիսկ ծայրահեղ դեպքում միշտ հնարավոր է ինքդ քեզ համոզել, որ շուտով կլինի սննդի հաջորդ ընդունումը:
Ըստ էության, դա սպիտակուցաբուսական սննդակարգ է, որը ենթադրում է պարզ ածխաջրերից եւ ճարպային մթերքներից լիակատար հրաժարում:
Սննդի ռեժիմը հետեւյալն է.
7:00. Մի բաժակ սուրճ կամ թեյ՝ առանց շաքարի:
9:00. Քերած գազար, որի վրա կիտրոնի հյութ է լցված:
11:00. Միրգ (խնձոր, տանձ, կիվի, դեղձ եւ այլն):
13:00. 100 գ խաշած միս (ձուկ), մի կտոր ամբողջական ցորենի հաց, որի վրա կարագ է քսած (10 գ):
15:00. Պինդ եփած ձու (կամ 100 գ պանիր կամ կաթնաշոռ):
17:00. Բանջարեղենի ցանկացած աղցան, օրինակ` կաղամբի:
19:00. 10 չիր (սալորի, թզի) ջրի մեջ թրջած:
21:00. Մի բաժակ անյուղ մածուն:
Պետք է այսպես սնվել հինգ օր շարունակ, ինչից հետո անհրաժեշտ է տասնօրյա ընդմիջում տալ:
«Սովորական» սննդի օրերին ձեռք բերված արդյունքները ամրապնդելու համար սննդակարգում սահմանափակեք քաղցրեղենը եւ խմորեղենը: Այս դիետայի հինգ օրվա ընթացքում կարելի է մինչեւ 3-5 կգ նիհարել:
Աղբյուրը` Dieta.ru