Ամերիկյան հաղորդավարուհու՝ Հայաստանին նվիրված թողարկումը կցուցադրվի ապրիլի 23-ին՝ ի հիշատակ Հայոց ցեղասպանության
11:13 22 ապրիլի, 2016Ամերիկյան հայտնի հաղորդավարուհի, Daytime Emmy մրցանակակիր Լորա ՄաքՔենզին ամիսներ առաջ այցելել էր Հայաստան եւ մոտ քսան րոպեանոց հիանալի ճանապարհորդական ռեպորտաժ պատրաստել մեր երկրի մասին։ Լորան մաեստրո Ջորջ Փահլեւանյանի ուղեկցությամբ շրջել է Հայաստանում, եղել ամենահայտնի տեսարժան վայրերում՝ բացահայտելով տեղի բնության անկրկնելի գեղեցկությունը, եզակի կառույցների ճարտարապետական լուծումները, մարդկանց հյուրընկալությունը, ինչպես նաեւ խոհանոցը։
Սկզբում Լորան ներկայացրել է մայրաքաղաք Երեւանը՝ այցելելով նաեւ Հայոց ցեղասպանության զոհերի հիշատակին կառուցված հուշահամալիր։
ՄաքՔենզիի հաղորդումը եթեր կհեռարձակվի ամերիկյան KTLA Channel 5 հեռուստաալիքով ապրիլի 23-ին՝ ի հիշատակ Հայոց ցեղասպանության։ Լորայի, որի ճանապարհորդական շոուն լավագույն է համարվում, պատրաստած հատուկ թողարկումը կցուցադրվի Լոս Անջելեսում, Սան Ֆրանցիսկոյում, Բոստոնում, Ֆիլադելֆիայում, Սիեթլում եւ այլ նահանգներում։ Թողրկումը կարելի է դիտել այստեղ։
Աղբյուրը՝ The Broadway World