Դերասանուհի Ծովինար Մարտիրոսյանը անակնկալների ու նվերների մասին

Հանրահայտ հայ դերասանուհի Ծովինար Մարտիրոսյանը շատ է սիրում նվերներ։ Իհարկե, այդ գործը բացարձակապես բոլորն են սիրում, սակայն հատկապես հաճելի է սիրելիից նվեր ստանալը։ Ո՞րն է ամենահետաքրքիր նվերը, որը դերասանուհուն մատուցել է իր ամուսին Նարեկ Հայկազյանը։

«Իմ ծննդյան օրն ամուսնուցս ոսկե մատանի ստացա։ Սակայն դա նրա ամենայուրօրինակ նվերը չէ։ Հիշում եմ, երկու-երեք տարի առաջ դուռը թակեցին։ Բացեցի, իսկ այնտեղ մի քանի տուփ կար՝ հսկայականից՝ փոքր։ Եւ յուրաքանչյուրում նվեր կար. փոշեկուլ, բլենդեր, էլեկտրական խառնիչ… Մոռացա ամենակարեւորը՝ տուփերի վրա գեղեցիկ ծաղկեփունջ կար։Ամուսնուս ակնարկը ես հասկացա։ Թեեւ հետագայում ինքն էլ ինձ ասաց. «Կինը հատկապես գեղեցիկ է խոհանոցում»։ Կատակ է, իհարկե, սակայն հետաքրիր էր», - պատմեց դերասանուհին NEWS.am STYLE-ի թղթակցին։

 Ծովինարն անձամբ նվերների հարցում նման երեւակայություն չունի։ «Ամոթ է, իհարկե, սակայն ես նույնիսկ չեմ հիշում, թե ինչ եմ նվիրել անցայլ տարի Սբ. Վալենտինի օրը։ Սովորաբար նվիրում եմ տղամարդու կոսմետիկայից մի բան։ Պարզապես ձգտում եմ օգտակար մի բան նվիրել», - պատմում է Ծովինարը։ 

Թեեւ Նարեկի ծննդյան օրերից մեկին դերասանուհին աչքի է ընկել. «Հավաքեցի բոլոր ընկերներին ռեստորանում, իսկ երեկոյան զանգեցի ամուսնուս եւ ստեցի։ Ասացի, որ ինչ-որ մի ռեժիսոր նրա հետ զրուցել է ցանկանում եւ նշեցի ժամն ու տեղը։ Նա եկավ, ներս մտավ։ Դահլիճում մութ էր։ Եվ հանկարծ բոլորս սկսեցինք գրկել նրան։ Դա ամենալավ անակնկալն էր»։