Օրեր առաջ ճանաչված պարուհի եւ երգչուհի VARDA-ն եւ ռուսական «Ձայնը» նախագծից հայտնի դարձած երգիչ Սեւակ Խանագյանը ներկայացրեցին իրենց Когда мы с тобой զուգերգի տեսահոլովակը։ Երգիչները հետաքրքիր զուգադիպությամբ ժամանել են Հայաստան։
«Տարբեր ծրագրերով ենք Հայաստանում։ Մենք արդեն այստեղ էինք, երբ իմացանք, որ VARDA-ն էլ է ժամանելու»,-նշում է Սեւակը, իսկ VARDA-ն կատակով ավելացնում է․
«Երբ Սեւակի Instagram-ի էջում տեսա, որ նա Հայաստանում է, մտածեցի․ «Անպայման պետք է գնեմ տոմս եւ մեկնեմ Հայաստան»»,-այնուհետեւ պարզաբանում է Հայաստան գալու իրական պատճառները․
«Այստեղ եկել եմ ընտանեկան տոնախմբության մասնակցելու նպատակով եւ որոշեցի մի քանի օրով երկարացնել այցս։ Քանի որ այնպես համընկավ, որ Սեւակն էլ է այստեղ, որոշեցինք, որ շատ հարմար պահ է նաեւ մեր զուգերգի մասին խոսելու համար»։
Ի դեպ, Սեւակն ու VARDA-ն միասին այցելելու են նաեւ Ծիծեռնակաբերդ։
«Քանի որ ապրիլի 24-ին չկարողացա գալ Հայաստան, որոշեցի անպայման այսօր կատարեմ իմ պարտքը եւ հարգանքիս տուրքը մատուցեմ անմեղ զոհերի հիշատակին»,-նշում է պարուհին։
VARDA-ի եւ Սեւակի հետ զրուցել ենք նաեւ Когда мы с тобой զուգերգի ստեղծման, տեսահոլովակի նկարահանման եւ հետագա համագործակցության ծրագրերի մասին․ Մանրամասները՝ տեսանյութում։
Հարցազրույցը՝ Սյունե Առաքելյանի
Լուսանկարները՝ Մելինե Տոնոյանի
Շնորհակալություն Imperial հյուրանոցին՝ նկարահանումներին աջակցելու համար