Համացանցում արդեն հասանելի է Իվետա Մուկուչյանի եվրատեսիլյան երգի ռեմիքս տարբերակը: LoveWave-ի այս տարբերակի հեղինակը DJ Rhannes-ն է:
Ավելի վաղ Իվետան ներկայացրել էր նաեւ երգի ջազ-ռոքային տարբերակը` էթնիկ ոճում:
Հիշեցնենք, որ «Եվրատեսիլ 2016»-ի հայաստանյան պատվիրակությունն արդեն Ստոկհոլմում է, որտեղ իրականացվում են մրցույթի մասնակիցների փորձերը, տարբեր հանդիպումներ կազմակերպիչների, միջազգային մամուլի ներկայացուցիչների հետ:
Մայիսի 2-ին կայացել է Իվետա Մուկուչյանի մրցութային առաջին փորձը, որը ԶԼՄ ներկայացուցիչների քվեարկությամբ լավագույնն է ճանաչվել առաջին օրվա ելույթների շրջանում:
«Եվրատեսիլ 2016»-ը կկայանա մայիսի 10-ին, 12-ին եւ 14-ին Ստոկհոլմում: Հայաստանը ելույթ կունենա առաջին կիսաեզրափակիչ փուլի ընթացքում` 7-րդ համարի ներքո: