Իվետայի տպավորիչ ելույթն ու «Եվրատեսիլ 2016»-ի առաջին կիսաեզրափակչի գլխավոր փորձի մյուս մանրամասները (ֆոտո)

Այսօր՝ մայիսի 10-ին, Ստոկհոլմում կկայանա «Եվրատեսիլ 2016»-ի առաջին կիսաեզրափակիչ փուլը: NEWS.am STYLE-ն արդեն ներկայացրել է Իվետայի փայլուն ելույթը մրցույթի երրորդ փորձի ընթացքում:

Ստոկհոլմի ժամանակով երեկոյան ժամը 9-ին տեղի ունեցավ «Եվրատեսիլի» առաջին եզրափակչի գլխավոր փորձը, որի տոմսերը վաճառվում էին, ինչի շնորհիվ բազմաթիվ երկրպագուներ կարողացել են ներկա գտնվել շոուին եւ վայելել իրենց նախընտրած մասնակիցների ելույթները:

Ի դեպ, երկրպագուների բուռն արձագանքից զգացվում էր, որ մեր երգչուհին, իսկապես, կարողացել է գերել ամբողջ Եվրոպան թե իր տեսքով, թե երգով, թե ձայնային տվյալներով:

Ֆավորիտների ցանկում շարունակում է մնալ նաեւ Ռուսաստանի ներկայացուցիչ Սերգեյ Լազարեւը:

Հարկ է նշել, որ այս տարվա շոուն նաեւ առանձնանում է հումորային տեսանյութերով, որոնց արդեն ուղիղ եթերով կարող եք հետեւել այսօր երեկոյան: Մինչ այդ ձեր ուշադրությանն ենք ներկայացնում մրցույթի գխավոր փորձից մի քանի լուսանկար:

Սյունե Առաքելյան, Պարույր Սինյավսկի՝ Ստոկհոլմից