Սթինգին հրավիրել են «Նոր ալիք 2016» մրցույթին
15:44 2 հունիսի, 2016«Նոր ալիք 2016» մրցույթի կազմակերպիչները ցանկանում են Սոչի հրավիրել բրիտանացի հանրահայտ երգիչ Սթինգին:
Փոփ երաժշտության երիտասարդ կատարողների «Նոր ալիք» ամենամյա միջազգային մրցույթի կազմակերպիչները այս տարի որոշել են հրավիրել Սթինգին, հայտնել է ТАСС-ը՝ վկայակոչելով կոմպոզիտոր Իգոր Կրուտոյի կայքը: 64-ամյա երգիչը ելույթ կունենա փառատոնի փակմանը:
«Երգչի հետ պայմանագիրը դեռ չի կնքվել, բանակցությունները շարունակվում են: Բայց ես կարծում եմ, որ երեք օրվա ընթացքում պայմանագիրը կստորագրվի»,- ասել է Կրուտոյը:
Կազմակերպիչների խոսքով այս տարի երգի մրցույթին մասնակցելու հայտ են ներկայացրել 13 երիտասարդ կատարողներ:
«Նոր ալիք» միջազգային մրցույթը այս տարի կկայանա սեպտեմբերի 3-ից 9-ը: