Հերթական շքեղ հարսանիքը Մոսկվայում:
Հունիսի 4-ին մոսկովյան «Սաֆիսա» հանդիսությունների սրահում կայացել է «Տաշիր» ընկերությունների խմբի նախագահ Սամվել Կարապետյանի որդու՝ Սարգիս Կարապետյանի հարսանիքը: Ի դեպ, հենց այս նույն սրահում ամիսներ առաջ տեղի է ունեցել «Ռուսնավթ»-ի համասեփականատեր Միխայիլ Գուցերիեւի որդու հարսանիքը, որի ընթացքում ելույթ են ունեցել Սթինգը, Բեյոնսեն, Ջենիֆեր Լոպեսը, Պատրիսիա Կաասը, Էնրիկե Իգլեսիասը եւ Ալլա Պուգաչովան:
24-ամյա Սարգսի, որը հոր ընկերությունում զբաղեցնում է փոխնախագահի պաշտոնը, ընտրյալն ու կյանքի ուղեկիցը վրացուհի Սալլի (Սալոմե) Կինցուրաշվիլին է:
Սալլին նույնպես բիզնեսով է զբաղվում: Նա «Buy By Me» բրենդային հագուստի վերավաճառքի օնլայն-խանութի համասեփականատերերից է:
Բնականաբար, հարսանեկան արարողության ժամանակ հնչել են ինչպես հայկական, այնպես էլ վրացական երգ ու պար:
Միջոցառման գլխավոր հյուրը հանրահայտ Maroon 5 փոփ-ռոք խումբն էր: Խմբի մենակատար Ադամ Լիվայնը կատարել է «Sugar», «This love» եւ մի քանի այլ հիթեր:
Համերգին ներկա են եղել նաեւ Ալլա Պուգաչովան, Գրիգորի Լեպսը, Վերա Բրեժնեւան ու Արմենչիկը, որն արդեն հասցրել է լուսանկար հրապարակել գեղեցկուհի Վերայի հետ: