Էդ Շիրանից 20 մլն դոլար են պահանջում գրագողության համար
14:02 9 հունիսի, 2016Էդ Շիրանից 20 մլն դոլար են պահանջում գրագողության համար:
Հանրահայտ բրիտանացի երգչին մեղադրում են գրագողության մեջ ՝ վստահեցնելով, որ նրա Photograph (2014) երգը պատճենված է բրիտանական X Factor-ի (2010) հաղթող Մաթ Քերդլի Amazing երգից, որը նրա համար գրել էին Մարտին Հարինգթոնն ու Թոմաս Լեոնարդը:
Լեոնարդն ու Հարինգթոնը նշում են, որ ստիպված են եղել դիմել դատարան, քանի որ այդ հարցը անձնական բանակցություններով հարթելու բոլոր նախորդ փորձերն ապարդյուն են անցել:
Ի դեպ, հայցվորների շահերը ներկայացնում է իրավաբան Ռիչարդ Բուշը, որը մինչ այդ զբաղվում էր նաեւ Blurred Lines երգի դատական գործով:
Աղբյուր՝ Daily Mail