Ամերիկահայ միլիոնատեր, ինտերնետային աստղ Դեն Բիլզերյանի Snapchat-ի հաշիվը օրեր առաջ արգելափակել են։ Պատճառն այս սոցցանցի մերկ լուսանկարների եւ հոլովակների քաղաքականությունն է, որի պատճառով էլ մերկ աղջիկների հետ երեկույթների մեծ սիրահարը զրկվել է իր հաշվից։
Զբոսանավի վրա, ինքնաթիռի մեջ կիսամերկ աղջիկների հետ զվարճացող Դենը ստիպված նոր հաշիվ է բացել, բայց այս անգամ մեկ այլ անվանումով՝ danbilzerian111, ինչը բարկացրել է պոկերի արքային։
«Նորից եմ սկսել Snapchat օգտագործել, եւ քանի որ այդ հիմարներն արգելափակել են ինձ, իմ անունն այժմ danbilzerian111 է»,- գրել է Դենը։
Բայց Բիլզերյանը չի պատրաստվում «նահանջել»։ Ժամեր առաջ նա հրապարակել է հերթական գայթակղիչ տեսանյութը։
Ի դեպ, անցյալ տարի, երբ Դենը միանում էր Snapchat-ին, Twitter-ում գրել էր.
«Առաջին snapchat-ս արեցի։ Հուսով եմ՝ մերկ լուսանկարներ կարելի է հրապարակել, այլապես իմ snapchat-կարիերան կարճ կյանք կունենա»։
I did my first snapchat(danbilzerian), i hope nudity is allowed or my snapchat career will be short lived
— Dan Bilzerian (@DanBilzerian) 26 февраля 2015 г.
Փաստորեն, պոկերի արքան ի սկզբանե գիտեր, թե ինչ է իրեն սպասվում։