Նախկին «Միսս Բրիտանիան»՝ ուղիղ եթերում իր սեքսի մասին. Ես սեքսով եմ զբաղվել ու չեմ ամաչում դրանից

Օրերս մենք հիշատակել ենք Love Island շոուի մասին (տղաներին ու աղջիկները տանում թողնում են մի կղզում, որտեղ ամենուրեք տեսախցիկներ են տեղադրված, իսկ նրանք այնտեղ իրար հետ հարաբերություններ են կառուցում): Ահա հենց այդ շոուին է մասնակցել նաև 20-ամյա «Միսս Մեծ Բրիտանիա» Զարա Հոլանդը, որը շոուի վերջին դրվագում սեքսով է զբաղվել ոմն Ալեքս Բոուենի հետ: «Միսս Մեծ Բրիտանիա» մրցույթի ներկայացուցիչները աղջկան զրկել են տիտղոսից ու հայտնել, որ նման վարքագիծը վայել չէ գեղեցկության թագուհուն, որը պետք է օրինակ ծառայի երիտասարդ աղջիկներին, նաև երեխաներին ու զբաղվի բացառապես բարեգործությամբ:

Զառան հարցազրույց է տվել, որում չնայած նշել է, որ շոուի ժամանակ սեքսով զբաղվելը իր կյանքի մեծ սխալներից է եղել, բայց ներողություն չի խնդրել իր վարքագծի համար:

«Ինչու ես պետք է ամաչեմ սեքսով զբաղվելու համար: Կանանց դուր է գալիս սեքսը, ինչո՞ւ չզբաղվել դրանով: Ես երբեք մի գիշերվա սեքս չեմ ունեցել որևէ մեկի հետ, իսկ կանանցից շատերի կյանքում նման սեքս եղել է: Ես լավ սեքս եմ ունեցել ու վերջ: Ինչ վերաբերում է իմ թագին ու «Միսս Մեծ Բրիտանիա» տիտղոսին, ուրախ եմ, որ կարող եմ ասել՝ եղել եմ «Միսս Մեծ Բրիտանիա»: Ինձ անարդար է թվում, որ մրցույթի կանոններով «Միսս Մեծ Բրիտանիան» զրկվում է տիտղոսից այն դեպքում երբ իրականում ոչ մի վատ բան չի արել: Եվ շնորհակալություն բոլոր նրանց, ովքեր այնուամենայնիվ աջակցում են ինձ»- ասել է աղջիկը:

Աղբյուր՝ Daily Mail