Վերջին անգամ Աննայի ու Էնրիկեի մասին գրել ենք հունիսի սկզբին, քանի որ հունիսի 10-ին Աննան 35 տարեկան էր դարձել: Նախկին թենիսիստուհին արդեն 15 տարի է հանդիպում է Էնրիկե Իգլեսիասի հետ, ու որքան էլ մամուլը գրի նրանց վիճաբանությունների ու բաժանվելու մասին, զույգն առաջվա պես միասին է:
Այն ժամանակ Աննան իր Instagram–ում հրապարակել էր մի թարմ լուսանկար՝ իր սիրելի տղամարդու ու նաեւ իր կրտսեր եղբոր՝ Ալանի հետ:
Իսկ հիմա զույգը վերջապես հայտնվել է պապարացիների տեսադաշտում: Էնրիկեին ու Աննային տեսել են Բեվերլի Հիլզում The Palm ռեստորանից դուրս գալիս:
Աննկատ անցնել նրանց չի հաջողվել: Երկրպագուներն ու պապարացիները շրջապատել են աստղերին, մինչ նրանք փորձել են հասնել իրենց մեքենային:
Աղբյուր ու լուսանկարներ՝ Just Jared