Ինչպես ազատվել հագուստի վրա տոնային քսուքի եւ կարմիր գինու հետքերից
20:01 8 հուլիսի, 2016Մանկուց մեզ թե հեքիաթների հեղինակները, թե մայրիկները դաստիարակում են, որ խորամանկությունը այնքան էլ դրական հատկանիշ չէ եւ «Խորամանկ աղվեսը երկու ոտքով է թակարդն ընկնում»։ Բայց երբեմն կինն իսկապես պետք է հնարամիտ եւ փոքր-ինչ խորամանկ լինի, որպեսզի կարողանա դուրս գալ դժվար իրավիճակներից։
Ցանկացած կնոջ համար պարզապես անտանելի է, երբ իր սիրելի հագուստի վրա կարմիր գինի է թափվում, կամ տոնային քսուքի հետքեր են առաջանում։ Բայց հագուստից մեկընդմիշտ հրաժարվելու փոխարեն առաջարկում ենք կիրառել հետեւյալ հնարքները։
Կարմիր գինու դեմ պայքարի լավագույն միջոցը սպիտակ գինին է։ Պարզապես խնդրահարույց հատվածում պետք է արագ լցնել սպիտակ գինի եւ մի քանի րոպե անց լվանալ։
Եթե հագուստը հանելիս տոնային քսուքի հետքեր են առաջանում, խնդրից ազատվելու համար պետք է օգտագործել սափրվելու քսուք։ Մինչեւ լվանալը, քսուքը տրորեք տվյալ հատվածում։
Աղբյուրը՝ Harpers Bazaar
Պատրաստեց՝ Յանա