Գույներ, վազք, խելահեղություն փողոցներում. մեր մայրաքաղաքում նորից «գունավոր վազքի» մրցույթ է կայացել։
Մինչ երիտասարդությունը տարված էր ներկերով՝ Սոֆի Մխեյանը և DJ Smoke-ը բոլորին ուրախացնում էին իրենց հիթերով։
«Ինքս պատրաստ եմ միանալ այն ամենին, ինչը կապված է առողջ կենսակերպի եւ բարեգործության հետ։ Արդեն երկրորդ տարին է, ինչ այս միջոցառումն իրականացվում է եւ ուրախ եմ, որ ողջ հասույթն ուղղվելու է բարեգործության»,-մեզ հետ զրույցում նշեց Սոֆի Մխեյանը։
Միջոցառմանը մասնակցել են բոլոր ցանկացողները, որոնք մարաթոն էին կազմակերպել Ծիծեռնակաբերդի հուշահամալիրի եւ Իսակովի պողոտայի շուրջ։ Վազքի առանձնահատկությունը գունափոշին էր։
«Առողջ կենսակերպն այսօրվա թրենդներից մեկն է եւ մեր երիտասարդությունը սիրով մասնակցում է այս նախաձեռնությանը եւ պատրաստ է նաեւ աջակցել բարեգործական միտումներին։ Հուսով ենք՝ մեր այսօրվա բոլոր մասնակիցների կյանքն էլ օրվա պես գունեղ եւ պայծառ կլինի»,-ասում է միջոցառման կազմակերպիչներից Գայանե Մանուկյանը։
Yerevan Color Run միջոցառման հաղթողներին եւ ողջ խենթություններին հետեւեք NEWS.am STYLE-ի տեսանյութի եւ ֆոտոռեպորտաժի միջոցով։
Սյունե Առաքելյան
Լուսանկարները՝ Արսեն Սարգսյանի