«Ոսկե Ծիրան 2016». Սուրբ Զորավոր եկեղեցում կայացավ Ծիրանօրհնեքի արարողությունը
14:15 10 հուլիսի, 2016Երեւանում այսօր մեկնարկում է «Ոսկե ծիրան» միջազգային 13-րդ կինոփառատոնը: Արարողության բացումն իրականացվեց ծիրանօրհնեքով, որը տեղի ունեցավ Սուրբ Զորավոր եկեղեցում:
Սա կինոփառատոնի ամենագեղեցիկ ավանդույթներից է:
Ի դեպ, այս տարվա «Ոսկե ծիրանի» շրջանակներում անվանական աստղերի կարժանանան Էդմոնդ Քեոսայանը, Դմիտրի Կեսայանցն ու Ալբերտ Յավուրյանը:
Նշենք նաեւ, որ այս տարվա կինոփառատոնի հատուկ հյուրը բրիտանացի դերասանուհի Ժակլին Բիսեթն է:
Տարբեր տարիներին «Ոսկե ծիրանի» շրջանաներում Հայաստան են եկել Կլաուդիա Կարդինալեն, Ֆաննի Արդանը, Ֆատիխ Ակին, Ջաֆար Փանահին, Աբբաս Կիարոստամին, Յոս Սթելինգը, Ալեն Հյուզը, Նաստասիա Կինսկին, Պատրիկ Շենեն, Օռնելա Մուտին եւ այլք:
Արարողության պաշտոնական բացումն ու փակման արարողությունը տեղի կունենան «Մոսկվա» կինոթատրոնում: