Օզզի եւ Շերոն Օսբորնները չեղյալ են համարել ամուսնալուծությունը
11:32 13 հուլիսի, 201667-ամյա Օզզի Օսբորնը եւ նրա կինը` 63-ամյա Շերոնը, չեղյալ են համարել ամուսնալուծությունը: Հայտնի ռոքերը Շերոնի հետ ամուսնացած է 33 տարի: Նրանց ընտանիքը երկար ժամանակ Հոլիվուդի ամենաամուր ընտանիքներից էր համարվում:
Մայիսի վերջին հայտնի է դարձել, որ զույգը մտադիր է ամուսնալուծվել, որովհետեւ Շերոնը իմացել է Լոս Անջելեսից հայտնի ոճաբանի հետ ամուսնու դավաճանության մասին:
Սակայն հարաբերություններում երկարատեւ ճգնաժամից հետո զույգը որոշել է չեղյալ համարել ամուսնալուծության որոշումը եւ պահպանել 33-ամյա ամուսնությունը:
US Weekly պորտալը հայտնում է, որ Օզզին եւ Շերոնը դարձյալ միասին են եւ մոռացել են կարճատեւ խնդիրների մասին: Իմաստուն կինը կարողացել է ներել ամուսնու անհավատարմությունը, եւ նրանց ընտանիքն ավելի ամուր է դարձել:
«Նրանք նորից սիրահարվել են իրար: Շերոնը մեկ ամիս առաջ հայտնել է , որ Օզզին շանս ունի, եթե սկսի հարգել իրեն եւ իրենց երեխաներին: Բայց Օզզին ամեն ինչ արեց կնոջը հետ բերելու համար: Եվ կարողացավ դա: Նա ուզում է հետ բերել իր ընտանիքը: Նրանք ամեն ինչի մասին խոսել են եւ որոշել են դարձյալ միասին լինել», – հայտնում է լավատեղյակ աղբյուրը:
Շերոնը եւ Օզզին երեք երեխա ունեն` 32-ամյա Էմմին, 30-ամյա Ջեքը, 31-ամյա Քելլին: