«Անդունդ» եւ «Ամերիկյան գիշեր» ֆիլմերից հայտնի դերասանուհի Ժակլին Բիսեթն այս գիշեր ժամանեց Երեւան: Ժակլինը ժամանեց «Զվարթնոց» օդանավակայանի VIP սրահ, այնուհետեւ մոտեցավ իրեն սպասող ավտոմեքենային:
Ինչպես հայտնի է` բրիտանացի դերասանուհին այս տարվա «Ոսկե Ծիրան» միջազգային կինոփառատոնի հատուկ հյուրն է:
NEWS.am STYLE-ը հետաքրքրվեց Ժակլինից` ինչպես է իրեն զգում հատուկ հյուրի կարգավիճակում.
«Իհարկե հրաշալի զգացողություններ ունեմ: Ի դեպ, արդեն համտեսեցի ծիրան եւ կարծում եմ` այն անմահական համ ունի»:
Դերասանուհու մամուլի ասուլիսը տեղի կունենա հուլիսի 14-ին, իսկ այսօր երեկոյան ժամը 19:00-ին կկայանա նրա մասնակցությամբ «Ամերիկյան գիշեր» ֆիլմի ցուցադրությունը: Դե ինչ, հանգիստ թողնենք սոցիալական ցանցերն ու մի քանի ժամ տրամադրենք հաճելի կինոդիտմանը:
Սյունե Առաքելյան
Տաթեւեր Լազարյան
Պարույր Սինյավսկի