Թեյլոր Սվիֆթը եւ Քելվին Հարիսը սկանդալ են սարքել Twitter-ում. Համացանցում ծաղրում են Թեյլորին
17:28 14 հուլիսի, 2016Երեւում է՝ ամենահայտնի երգչուհիներից Թեյլոր Սվիֆթի գահը խարխլվել է եւ շուտով կփլվի:
Դիջեյ Քելվին Հարիսը եւ Թեյլոր Սվիֆթը բաժանվել են մեկ ամիս առաջ` երգչուհու դավաճանության պատճառով: Հայտնի երգչուհին այժմ սիրավեպ է սկսել 35-ամյա բրիտանացի դերասան Թոմ Հիդդլսթոնի հետ:
Բայց Թեյլորը եւ Քելվինը դեռ շարունակում են սկանդալներ սարքել:
Թեյլոր Սվիֆթի եւ Քելվին Հարիսի հերթական փոխադարձ հարձակումների առիթը դարձել է դիջեյի նոր զուգերգը Ռիհաննայի հետ` This Is What You Came For, որը Քելվինը ներկայացրել է Թեյլորից բաժանվելուց հետո: Դիջեյի երկրպագուները որոշել են, որ այդ երգը հենց Քելվինն է գրել եւ նվիրված է Թեյլորին, սակայն Թեյլոր Սվիֆթի ներկայացուցիչները հայտնեցին, որ երգի հեղինակը երգչուհին է:
Քելվինն իր Twitter-ում ապացուցում է, որ դա սուտ է եւ նույնիսկ այդ առիթով մի քանի հաղորդագրություն է գրել:
Դիջեյը պնդում է, որ նախկին ընկերուհին միայն տեքստն է գրել, իսկ երաժշտությունը եւ գործիքավորումն իրեն են պատկանում:
Միաժամանակ Հարիսը Սվիֆթին հիշեցրել է նրա վեճը Քեթի Փերրիի հետ եւ նույնիսկ խորհուրդ է տվել կենտրոնանալ «նոր հարաբերությունների վրա, որոնցում այնքան երջանիկ է»:
«Գիտեմ, որ քո շրջագայությունն ավարտվել է եւ դու քո մասին հիշեցնելու նոր միջոցներ ես փնտրում, բայց սխալ մարդու վրա ես հարձակվել: Ես թույլ չեմ տա: Քո կյանքով զբաղվիր: Ինձ հանգիստ թող, – գրել է Քելվինը:
Դրանից անմիջապես հետո համացանցը բառացիորեն «պայթեց» Թեյլոր Սվիֆթի վերաբերյալ մեմերից: Դիջեյի երկրպագուները համացանցում արշավ սկսեցին` ստեղծելով TaylorSwiftIsOverParty (Թեյլոր Սվիֆթի վերջին երեկույթը) հեշթեգը եւ համացանցը ողողելով ծաղրական մեմերով:
Աղբյուրը` Daily Mail