Արքայազն Ջորջը ամենաոճային երեխան է ճանաչվել
10:19 22 հուլիսի, 2016Rakuten Marketing ընկերությունը անցկացրել է հետազոտություն, որի արդյունքում պարզվել է, որ արքայազն Ուիլյամի եւ Քեյթ Միդլթոնի երեք տարեկան որդին աշխարհի ամենաոճային երեխան է:
Անցկացված հարցման արդյունքներով Ջորջը ձեռք է բերել մանկական նորաձեւության կուռքի կարգավիճակ: Հարցման մասնակիցների ավելի քան մեկ երրորդը (39 տոկոս) պատասխանել է, որ Քեյթի ու Ուիլյամի որդին ազդեցություն է թողնում իրենց երեխաների համար հագուստի ընտրության վրա: Վիճակագրությանը արձագանքել է նաեւ մանկահասակ արքայազնի կոստյումներից շատերի հեղինակ դիզայներ Ռեյչել Ռայլին.
«Թագավորական ընտանիքի հենց միայն հիշատակումից մանկական հագուստի վաճառքի ցուցանիշները մեծ արագությամբ աճում են»:
Երկրորդ ու երրորդ տեղերը զբաղեցրել են Վիկտորիա ու Դեւիդ Բեքհեմների կրտսեր որդիները՝ Ռոմեոն ու Քրուզը:
Աղբյուր՝ Hello