Հոկտեմբերի 20-ին Երեւանի Հյուսիսային պողոտայում բացվել է էքսկլյուզիվ օծանելիքի «Հերմիտաժ» խանութը: Այստեղ ներկայացված են այնպիսի հայտնի ֆիրմաների ապրանքանիշները, ինչպիսիք են` Amouage, Designer Shaik, M.Micallef, Montale, Keiko Mecheri եւ այլն:
Երկրորդ հարկում նույնպես կարելի է էքսկլյուզիվ օծանելիք գտնել, որոնց մի մասը պատրաստվում են հատուկ պատվերների դեպքում: Խանութում կարելի է նաեւ երեխաների համար օծանելիք գնել: «Մեր խանութում օծանելիքի հարուստ ընտրություն կա, հիմնականում եվրոպական: Մենք աշխատել ենք շեշտը դնել Էքսկլյուզիվ ապրանքանիշների վրա, որոնք թողարկվում են ոչ մեծ քանակությամբ, երբեմն նույնիսկ յուրահատուկ պատվերով», - ասաց «Հերմիտաժ» խանութի տնօրեն Արմեն Հարությունյանը:
Նրա խոսքերով, խանութում ներկայացված են նաեւ աշխարհահռչակ հայ պարֆյումեր Ֆրանսիս Քյուրքջյանի գործերը, որն համարվում է եվրոպական օծանելիքի արքան:
«Մենք ներկայացնում ենք օծանելիքը ոչ թե որպես ապրանք, այլ որպես արվեստի հատուկ տեսակ: Երաժշտությունը բարեհունչ է ականջներին, գեղարվեստական վերարարտադրությունը` աչքերին, իսկ օծանելիքը դա հմայքի արվեստ է», - նշեց Հարությունյանը:
Բացման արարողությանը, որն ուղեկցվեց հրավառությամբ, մասնակցում էին բազմաթիվ մարդիկ, որոնց թվում` կինոյի ու շոու բիզնեսի աստղեր:
Ֆոտո: Արսեն Սարգսյան NEWS.am STYLE