Թեմատիկ պանդա-հյուրանոց Չինաստանում (ֆոտո)
17:26 6 մարտի, 2013Չինական Սիչուան նահանգի Էմեյշան լեռնազանգվածում բացվելու է պանդաներին նվիրված աշխարհի միակ հյուրանոցը:
Ըստ The Telegraph-ի, հյուրանոցի յուրաքանչյուր սենյակը տարբերվում է մյուսներից: Այսպես, սենյակներից մեկը ձեւավորված է անիմացիոն ոճով, մյուսը զարդարված է պանդաների մասին ֆիլմերի տեսարաններով, երրորդի պատերին ձեռագործ բամբուկե արջուկներն են: Նույնիսկ անձնակազմի հագուստների համար ընտրվել են պանդաների երանգները: Հյուրանոցի վայրի ընտրությունը՝ Սիչուան նահանգը, նույնպես պատահական չէ. այս շրջանում են բնակվում աշխարհի պանդաների շուրջ 30 տոկոսը:
Հյուրանոցի բացումը նախանշված է այս տարվա մայիսին:
