Քիմ Քարդաշյանի կրտսեր քույրերը հերթական հարվածն են ցանկանում հասցնել նրա ռեփեր ամուսնուն՝ Քանյե Ուեսթին։
Ամիսներ առաջ հայտնի դարձավ, որ չնայած Քանյե Ուեսթի բոլոր առարկություններին՝ Քայլի Ջենները ստորագրել է Puma–ի հետ պայմանագիրն ու նկարահանվել հանրահայտ ապրանքանիշի ֆոտոշարքում. Քանյեն դեմ էր այս պայմանագրին, քանզի կարծում էր՝ Քայլին 100 տոկոսով Yeezy–ի թիմից է եւ չի համագործակցի այլ ապրանքանիշերի հետ։
Բայց Քանյեին սպասվում է մեկ այլ հարված։ Քայլին եւ Քենդալը որոշել են թողարկել մարզակոշիկների նոր հավաքածու, որի առաջին նմուշների լուսանկարն արդեն հայտվել է կրտսեր Ջեների Snapchat-ում։
Լուսանկարից երեւում է, որ աղջիկների նոր արտադրանքն ասես Քանյե Ուեսթի Yeezy boost 350 մարզակոշիկի փոքր-ինչ փոփոխված տարբերակն է։
Դժվար է ասել՝ քույրերը ոգեշնչվե՞լ են Քանյե Ուեսթի Yeezy մարզակոշիկներից, թե՞ նրանց գրավել է դրանց մեծ պահանջարկն ու վաճառքի ցուցանիշները ամբողջ աշխարհում։
Աղբյուրը՝ Daily Mail