Երջանիկ զույգերի երեք գաղտնիք

1. Նշեք հատուկ ամսաթվերը. այն օրը, երբ ծանոթացել եք, առաջին ժամադրությունը, առաջին համբույրը, երբ սկսել եք միասին ապրել, երբ իմացել եք, որ երեխայի եք սպասում… Միաժամանակ կարեւոր է, որ ուրիշ ոչ ոք չիմանա, թե դուք ինչ եք նշում: Մտերմությունը ստեղծվում է հենց ձեր գաղտնի ծեսերի շնորհիվ, որոնց մասին միայն դուք գիտեք: Դա հիշողություններ է արթնացնում, ձեզ հիշեցնում է, թե ինչու էիք սիրահարվել իրար: Միթե սքանչելի չէ, երբ ձեր կեսը ձեզ ասում է. «Իսկ հիշում ես, թե ինչպես մենք…» եւ դեմքին ժպիտ է հայտնվում` հասկանալով, որ դուք դեռ միասին եք: Նման առանձնահատուկ ամսաթվեր նշելիս դուք համատեղ նոր, հաճելի հիշողություններ եք ստեղծում: \

2. Նույն հանրության մեջ սեփական լեզվով եք խոսում: Մի ամաչեք իրար կոչել այնպես, ինչպես ձեզ դուր է գալիս, նույնիսկ եթե ուրիշներին նյարդայնացնում են այդ «իկ»-երը, «նապաստակները», «կատվիկները»: Որովհետեւ այդպիսով դուք իրար ասում եք. «Ես քեզ այնպես եմ ճանաչում, ինչպես չի ճանաչում ուրիշ որեւէ մեկը: Եվ ես չեմ ամաչում ցույց տալ, որ քեզ սիրում եմ այդպիսին»: Դուք կարող եք կոդային բառեր եւ ֆրազներ հորինել, որոնք միայն դուք եք հասկանում: Օրինակ, երբ ձեզնից մեկն արդեն հոգնել է ընկերախմբում զբոսնելուց եւ չի ուզում տուն գնալ, բայց չեք ուզում ընկերներին ուղղակիորեն ասել դա:

3. Ձեր ամբողջ կյանքը մի տեղադրեք առցանց: Նորմալ է երբեմն գրել. «Ես աշխարհի ամենաալարկոտ տղամարդու հետ եմ ապրում»: Բայց ձեր ժամադրության մանրամասները, նրանից հսկայական ծաղկեփնջի կամ առանձնահատուկ նվերի լուսանկար տեղադրելուց առաջ, ինքներդ ձեզ հարցրեք. ինչն է ավելի կարեւոր` ձեր հարաբերությունները, թե սոցցանցերում մարդկանց հավանությունը: Եթե հարցը դա է, ուրեմն դուք պետք է ավելի շատ ժամանակ անցկացնեք ցանցից դուրս: Դուք պետք է չափից ավելի զբաղված լինեք իրականությամբ, որպեսզի ժամանակ չմնա մտածելու, թե հարաբերություններն ինչ տեսք ունեն առցանց:

Աղբյուրը` Creu