Դե, ով կդառնա Սոֆյա Վերգարայի զույգը, որն արդեն քանի անգամ ճանաչվել է ամենաբարձր վարձատրվող հեռուստատեսային դերասանը:
Forbes հեղինակավոր ամսագիրը կազմել է հեռուստատեսության ֆինանսապես ամենահաջողակ դերասանների իր ավանդական ցուցակը՝ հաշվելով 2015-ի հունիսի 1-ից մինչեւ 2016-ի հունիսի 1-ը նրանց աշխատավարձի չափը:
Առաջին տեղում է «Մեծ պայթյունի տեսություն» (The Big Bang Theory) սերիալի աստղ Ջիմ Փարսոնսը, որը մեկ տարում 25,5 մլն դոլար է վաստակել: Երկրորդ եւ երրորդ տեղերում են այս նախագծում Փարսոնսի գործընկերները՝ Ջոնի Գալեքին (24 մլն դոլար) եւ Սայմոն Հելբերգը (22,5 մլն դոլար):
Դերասանների վաստակած փողի մեջ է մտնում ոչ միայն նկարահանումներից ստացած հոնորարը, այլ նաեւ կնքած գովազդային պայմանգրերի եւ այլ նախագծերում մասնակցության միջոցները:
Ահա թե ինչպիսին է Forbes-ի վարկածով ամենահարուստ հեռուստատեսային դերասանների առաջին տասնյակը.
1. Ջիմ Փարսոնս — 25,5 մլն դոլար,
2. Ջոնի Գալեքի — 24 մլն դոլար,
3. Սայմոն Հելբերգ — 22,5 մլն դոլար,
4. Կունալ Նայյար — 22 մլն դոլար,
5. Մարկ Հերմոն — 20 մլն դոլար,
6. Թայ Բարրել — 12,5 մլն դոլար,
7. Նաթան Ֆիլիոն — 12 մլն դոլար,
8. Ջեսի Թայլեր Ֆերգյուսոն — 12 մլն դոլար,
9. Ռեյ Ռոմանո — 12 մլն դոլար,
10. Էդ Օ՛Նիլ — 11,5 մլն դոլար: