Պանրով եւ սնկով լցոնված պղպեղ. բաղադրատոմս NEWS.am STYLE-ից
19:14 15 հոկտեմբերի, 2016Շատ պարզ բաղադրատոմս է, իմպրովիզացիա՝ հաշվի առնելով սնկի եւ պանրի հանդեպ իմ մեծ սերը: Այս ուտեստը պատրաստելու համար շատ ժամանակ պետք չէ, բայց այն կարող է ուրախացնել ձեր ընտանիքի անդամներին եւ հյուրերին՝ հրաշալի լրացում դառնալով հիմնական ուտեստին:
Մեզ անհրաժեշտ են հետեւյալ մթերքները.
Բուլղարական պղպեղ - 6 հատ
Սունկ - 200 գրամ
Պանիր - 200 գրամ
Պղպեղի վերին բաժինը կտրում ենք, մաքրում սերմերն այնպես, որպեսզի պատերը չվնասվեն: Արեւածաղկի ձեթով սունկը տապակում ենք (ես շամպինյոն եմ օգտագործել), ավելացնում ենք աղ եւ սեւ պղպեղ՝ ըստ ճաշակի:
Պանիրը կտրատում ենք եւ սկսում լցոնել պղպեղը:
Նախ լցնում ենք պանիրը, հետո՝ սունկը: Այնուհետեւ լցոնված պղպեղը տապակում ենք արեւածաղկի ձեթով:
Բարի ախորժակ...
Ձեր՝ Մաշա