Երբ եւ ինչպես է պետք բաժանվել

23:10   4 նոյեմբերի, 2016

Գաղտնիք չէ, որ ոչ բոլոր ռոմանտիկ հարաբերություններն են հավերժ եւ ոչ միշտ են ավարտվում Մենդելսոնի քայլերգով ու մինչ խոր ծերություն երջանիկ համատեղ կյանքով: Հաճախ հարաբերությունները խզվում են, եւ զույգը բաժանվում է, ընդ որում՝ դա տեղի է ունենում տարբեր պատճառներով: Բայց անկախ բաժանման պատճառներից, շատ կարեւոր է ժամանակին հասկանալ, որ սերն անցել է, հետագա հարաբերություններն անհնար բան են, եւ ընդունել այդ դառը ճշմարտությունը, ճիշտ եւ առանց ավելորդ ափսոսանքի բաժանվել զուգընկերոջից:

Հաճախ նախկին սիրեցյալներն անկեղծ զրույցի փոխարեն, որը վերջ կդներ բոլոր խնդիրներին եւ ավարտին կհասցներ անհաջող հարաբերությունները, նախընտրում են թաքնվել միմյանցից, չպատասխանել զանգերին եւ ընդհանրապես խուսափել այդ տհաճ անհրաժեշտությունից, չնայած դա միայն հետաձգում է հարաբերությունները պարզելու պահը:

Պատահում է նաեւ, որ բաժանվել կամ, ավելի ճիշտ, լքված չլինելու ցանկություն չունեցողները սկսում են շանտաժի ենթարկել զուգընկերոջ ինքնասպանության սպառնալիքով, մտացածին հղիությամբ եւ այլնով: Դա ամենեւին էլ լավ գաղափար չէ, քանի որ նման գործողությունները ոչ մի կերպ չեն ազդի սառած զգացմունքների վրա եւ, ցավոք, չեն վերադարձնի կորսված սերը:

Իսկ եթե բաժանումն այդքան դժվար է տրվում կամ զուգընկերները պարզապես վստահ չեն, որ բաժանումն անխուսափելի է, կարելի է փորձել ժամանակավորապես բաժանվել. դա կա՛մ կօգնի թարմացնել խամրող ռոմանտիկ զգացմունքները, կա՛մ բաժանումն ավելի դյուրին կդարձնի:

Հարկավոր է նաեւ հիշել եւ հասկանալ, որ բաժանումն ինչ-որ ամոթալի բան չէ, այն պետք է ընկալել որպես հասուն մարդկանց փոխադարձ եւ լավ մտածված որոշում: Հարաբերությունների խզման մեջ որեւէ ողբերգություն չկա, կյանքը շարունակվում է, եւ որոշ ժամանակ անց տհաճ հիշողությունները կհարթվեն եւ կհեռանան:

 

Աղբյուրը՝ Cosmo.ru



© NEWS.am STYLE