5 հասարակ խորհուրդ, թե ինչպես լավացնել արտաքինը
19:16 4 նոյեմբերի, 2016Առաջին խորհուրդ
Ամեն առավոտ, քաղցած ստամոքսին 1 ճաշի գդալ կտավատի սերմեր կերեք։ Լավ ծամեք ու մի բաժակ տաք ջուր խմեք։ Կես ժամ հետո կարող եք արդեն հաց ուտել։
Ի՞նչ օգուտ կտա։ Այս միջոցը հրաշալի մաքրում է օրգանիզմը, ինչի շնորհիվ մաշկը դառնում է ավելի հարթ ու թարմ։ Նաեւ որոշ չափով նպաստում է նիհարելուն։ Կտավատի սերմերը նաեւ ամրացնում են եղունգներն ու մազերը։
Ուշադրություն՝ կտավատի սերմերը չի կարելի օգտագործել օրգանիզմում քարերի առկայության դեպքում։
Երկրորդ խորհուրդ
Ամեն օր կերեք եփած բազուկից պատրաստված աղցան։ Նախաճաշին կամ ճաշին, ինչպես հարմար է։
Ի՞նչ օգուտ կտա։ Բազուկը արյունը մաքրող հրաշալի միջոց է։ Իսկ արյան առողջությունը գեղեցիկ արտաքինի կարեւոր ցուցանիշ է։ Այս միջոցը նաեւ դրական է ազդում մաշկի վիճակի ու ներքին օրգանների աշխատանքի վրա։
Երրորդ խորհուրդ
Ամեն օր քնելուց մեկ ժամ առաջ դեմքին քսեք գլիցերինի ու վիտամին Е-ի խառնուրդ։ Խառնուրդը պատրաստելը շատ հեշտ է․
30 գրամ գլիցերինի հետ խառնում ենք վիտամին Е–ի 10 սրվակ
Սրվակները ասեղով ծակեք ու յուղը լցրեք շշի մեջ
Այդ ամենը կարելի է շատ էժան գնել դեղատնից
Միջոցը քսելուց առաջ անհրաժեշտ է մաքրել դեմքի մաշկը ու փափուկ խոզանակով թեթեւ մերսում անել, որպեսզի այն թեթեւակիորեն կարմրի։ Այդ վիճակում բջիջները առավելագույնս ներծծում են սննդարար նյութերը։
Կա մեկ թերություն՝ մաշկը դառնում է մի քիչ կպչուն, մինչեւ գլիցերինը ներծծվում է։ Տհաճ զգացողությունները մեղմելու համար մաշկի վրա թարմացնող տոնիկ քսեք։
Ի՞նչ օգուտ կտա։ Ամեն առավոտ դուք դեմքի մաշկի վրա կզգաք նման սնուցման բարերար ազդեցությունը։ Կնճիռները կհարթվեն, իսկ գույնը կլավանա։ Շատ արդյունավետ է աչքերի անկյունների կնճռոտ մաշկի համար։
Չորրորդ խորհուրդ
Ամեն օր 50 գրամ ընկույզ կերեք։ Ցանկացած տեսակի, որը ձեզ դուր է գալիս
Ի՞նչ օգուտ կտա։ Մազերն ու եղունգները ձեզ մեծ շնորհակալություն կասեն արդեն 2 շաբաթ հետո։
Հինգերորդ խորհուրդ
Երեք օրը մեկ մազերի համար քսուք պատրաստեք չոր մանանեխի փոշուց, որը բացում են շիլայի խտության ու բուսական յուղ հավելում։ Քսեք այն խոնավ մազերին, պահեք 20-30 րոպե, լվացեք։
Ի՞նչ օգուտ կտա։ Այս քսուկի արդյունքը շատ տպավորիչ է։ Արդեն մեկ ամիս կանոնավոր գործածումից հետո դուք շքեղ մազեր կունենաք։
Աղբյուր՝ Cosmo.ru