Սուպերմոդել Ժասմին Տուկսը կներկայացնի Fantasy Bra կրծկալը Victoria’s Secret-2016 շոուին
11:35 27 հոկտեմբերի, 2016Դեկտեմբերի 5-ին Փարիզում տեղի կունենա Victoria’s Secret-2016-ի ցուցադրությունը։ The Victoria's Secret Fashion Shows–ի ցուցադրությունները սովորաբար ընթանում են Նյու Յորքում, բայց այս անգամ շոուն որոշել են կազմակերպել Եվրոպայում, որտեղ ցուցադրությունը մինչեւ հիմա միայն 2 անգամ է տեղի ունեցել՝ 2000-ին՝ Կաննում եւ 2014-ին՝ Լոնդոնում։
Ինչու են կազմակերպիչները որոշել Փարիզում կազմակերպել ցուցադրությունը, հայտնի չէ, սակայն նրանք արդեն հիմա խոստովանում են, որ շոուն կարող է ահաբեկիչների թիրախում հայտնվել։
Այս պահին հայտնի է, որ պոդիում կբարձրանան Ադրիանա Լիման, Ալեսսանդրա Աբրոսիոն, Լիլի Օլդրիջը, Էլզա Հոսկը, Ժասմին Տուկը, Լաիս Ռիբեյրոն, Մարթա Հանթը, Սառա Սամպայոն, Ստելլա Մաքսվելը, Թեյլոր Հիլլը։
Եվ ահա գեղեցկուհիներից մեկը՝ Ժասմին Տուկսը, որը նորեկ է, կներկայացնի Fantasy Bra կրծկալը։
Այս տարի Fantasy Bra–ն ունի Bright Night («Վառ գիշեր») անվանումը, իսկ դրա դիզայնի հեղինակը Էդդի Բորգոն է։
Կրծկալի ստեղծման համար 3 մլն դոլար, 700 ժամ եւ 9 հազար թանկարժեք քար է ծախսվել։ Քարերի արժեքը գերազանցում է 450 կարատը։
«Երեւի սա ամենաթանկարժեք իրն է, որը ես երբեւէ կրել եմ, հատկապես կրծքիս վրա»,– People–ին խոստովանել է մոդելը։
