Հոկտեմբերի 27-ին աշխարհահռչակ հայ շանսոնյե Շառլ Ազնավուրը Քալիֆորնիայի հայ համայնքից «Պատվո աստղ» ստացավ Հոլիվուդի փառքի ծառուղիում։ Սա պատմական իրադարձություն էր հայ մշակութասերների համար։ Սակայն 92-ամյա հանրահայտ երաժշտի հետ հանդիպումը միայն այս հանդիսավոր արարողությամբ չի սահմանափակվել։
Հոկտեմբերի 28-ին տաղանդավոր երաժիշտը համերգ է տվել «Pantages» թատերասրահում եւ իր անզուգական երգերը ներկայացրել ամերիկահայ հանդիսատեսին։
Համերգին ներկա է եղել նաեւ երգչուհի Լիլուն, որն այս օրերին Քալիֆորնիայում է։ Կենդանի լեգենդի համերգին Լիլուն գնացել է տատի հետ։