Ճանապարհորդի օրագիր. զբոսաշրջիկների անհեթեթ դժգոհություններն ու խնդրանքները

Անհեթեթ դժգոհությունների եւ խնդրանքների ընտրանին կբարձրացնի ձեր տրամադրությունը, ինչպես նաեւ կպատմի, թե ինչպես են զբոսաշրջիկները, օտար երկիր այցելելով, երբեմն, իրենց կարծիքով, միանգամայն հնարավոր ակնկալիքներ ունենում:

Ժողովո՛ւրդ, այդպիսին մի եղեք...

Եվ այսպես՝ սկսենք:

Ավստրալիա այցելած ճանապարհորդներից մեկը բողոք է ներկայացրել այն բանի համար, որ Սիդնեյ ժամանելով՝ իր շուրջը թռչկոտող կենգուրուներ չի տեսել:

Հունական տուրիստական գործակալությունների նշած ամենաանհեթեթ դժգոհությունը. մի զբոսաշրջիկ բողոքել է այն բանից, որ հունական լողափերը քարերով են պատված:

Մեկ այլ զբոսաշրջիկ էլ Հունաստանում դժգոհել է ավազապատ լողափերից՝ հայտարարելով, որ այնտեղ չափազանց շատ ավազ կա:

Չինաստանում զբոսաշրջիկ կինը բողոք է ներկայացրել խանութի դեմ, որն իրեն 20 դոլարով Gucci պայուսակ է վաճառել, իսկ այն, պարզվել է, կեղծ է եղել:

Բողոքներ են եղել նաեւ, որ Հնդկաստանում ուտեստներում չափազանց շատ քարրի համեմունք կա:

Իսպանիայի փողոցներում էլ շատ են իսպանացիները:

Իսկ ի՞նչ կասեք լողափին չափազանց սպիտակ ավազի եւ ծովում շատ ձկների շուրջ բողոքների մասին, որոնք խանգարում են լողալ:

Ճանապարհորդներից մեկն էլ բողոքել է, որ իր ընկերոջ երեք սենյականոց համարը «շատ ավելի մեծ է» իր մեկ ննջարանով սենյակից, որն ինքն է ընտրել իր համար:

Եղել են նաեւ բողոքներ, որ Ջամայկայից Բրիտանիա 9 ժամում են հասել, մինչդեռ ամերիկացիներն այդ ճանապարհը 3 ժամում են անցնում:

Ինչ-որ մեկն էլ բողոքել է, որ փողոցային վաճառողից 5 դոլարով գնված Ray Ban ակնոցը կեղծ է եղել:

Մի զբոսաշրջիկ տուրիստական գործակալին մեղադրել է, որ իրեն չի տեղեկացրել ջրաշխարհում լողազգեստ ունենալու մասին: Ինչ-որ մեկն էլ դժգոհել է տուրիստական ընկերությունից.  իրեն չեն զգուշացրել, որ մոծակները կարող են նաեւ խայթել:

Բրիտանական Virgin Atlantic ավիաընկերության աշխատակիցներն ուղեւորների ամենահիմար եւ անհեթեթ հարցերի ու խնդրանքների սեփական ընտրանին են ներկայացրել:

Թռիչքի ժամանակ ուղեւորների շրջանում ամենատարածվածը հետեւյալ նախադասություններն են. «Չէի՞ք կարող բացել պատուհանը» եւ «Որտե՞ղ է լոգասենյակը»:

Եղել են նաեւ «շարժիչների աղմուկի ձայնն իջեցնելու», «Բարբի տիկնիկին մերսելու», «երեխաներին մանկասենյակ տանելու», «կորած ապակե աչքը գտնելու» խնդրանքներ:

Իսկ որոշ ուղեւորների հետաքրքրել է օդանավում «ՄաքԴոնալդս» ռեստորանի առկայությունը:

Աղբյուրը՝ Otvetnavse.com