Իվան Ուրգանտն ու Սերգեյ Սվետլակովը ներկայացրել են «Елки 5» ֆիլմի թրեյլերը
11:35 2 նոյեմբերի, 2016Youtube-ում հրապարակվել է ռուսական «Елки-5» ֆիլմի թրեյլերը, որտեղ գլխավոր դերերում Իվան Ուրգանտն ու Սերգեյ Սվետլակովն են:
Հայտնի ժապավենի հինգերորդ մասը, ինչպես եւ նախորդները, կազմված կլինի մի քանի նովելից՝ միավորված մեկ գաղափարով: Դրա համաձայն, հրաշքն ինքն իրեն չի պատահում, երազանքի համար հարկավոր է մինչեւ վերջ պայքարել:
Հինգերորդ ֆիլմում նախկինում հաջողակ Բորիսը (Իվան Ուրգանտ) կորցնում է փողերն ու ընտանիքը: Մնում է միայն հույս դնել հավատարիմ ընկերոջ՝ Եվգենիի, որին մարմնավորում է Սվետլակովը, եւ... կենդանաբանական այգու պինգվինի վրա:
Նույն ընթացքում էլ Գոշա Կուցենկոյի մարմնավորած հերոսը փորձում է հաղթահարել կնոջ անհավատարմության հետ կապված վախը: