Քարդաշյան ընտանիքի Ջեններ ճյուղի ամենակրտսեր անդամներից մեկը՝ Քենդալ Ջեններն այսօր նշում է ծննդյան 21-ամյակը: Ջեններն իր քույրերի մեջ միակն է, որն իսկապես օժտված է մոդելային չափանիշներով, ինչի շնորհիվ էլ աղջիկն արդեն իր ուրույն եւ անփոխարնելի տեղն ունի նորաձեւության աշխարհում:
Սակայն ամեն ինչ սկսվեց ոչ թե պոդիումից, այլ Keeping Up with the Kardashians ռեալիթի շոուից, որտեղ աղջնակին ներգրավեցին արդեն իսկ շոուում աշխատող ընտանիքի անդամները:
Մոդելային կարիերան Քենդալը սկսել է գովազդային հոլովակներում եւ ֆոտոնախագծերում նկարահանվելուց: Իսկ 2014 թ-ից սկսած նա, պարբերաբար մասնակցում է նաեւ հեղինակավոր բրենդների ցուցադրություններին:
Ինչպես ընտանիքի մյուս անդամները՝ Քենդալ Ջենները եւս բացի էկրաններին երեւալուց ստեղծել է նաեւ սեփական բիզնեսը: 2011 թ-ին նա Nicole by OPI ընկերության համար ստեղծել է եղունգների լաք, իսկ 2012 թ-ից Քենդալ եւ Քայլի քույրերը դարձան Gillette Venus Gets Ready ապրանքանիշի գործադիր տնօրենները:
2011 թ-ին քրոջ՝ Քայլի Ջենների հետ Քենդալը գլխավորեց Seventeen ամսագրի ոճային աստղերի ցուցակը:
Ամենաոճային գեղեցկուհիներից մեկի տպավորիչ կերպարներից մի քանիսը ներկայացնում ենք ձեր ուշադրությանը:
Սյունե Առաքելյան