Ինչքանով է «վաճառվել» Մըրայա Քերին միլիարդատեր Ջեյմս Փեքերին. թանկարժեք իրեր, հագուստ, հարսանիք

16:25   5 նոյեմբերի, 2016

Այս պատմությունը շատ ավելի մութ ու խճճված է, քան կարող էր թվալ։

Ինչպես գիտենք, Մըրայա Քերին բաժանվել է միլիարդատեր Ջեյմս Փեքերից։ Սկզբում հայտնում էին, որ մեկ ամիս առաջ Հունաստանում հանգստանալու ժամանակ զույգի վեճի պատճառը Ջեյմսի խանդն է  եղել, որը Քերիին կասկածել է դավաճանության մեջ՝ երգչուհին կարծես սիրային կապ է սկսել իր պարախմբի պարողներից մեկի հետ։

Բայց հետո պարզվել է, Քերին, որին արդեն տեսել են 33-ամյա պարող Բրայան Թանակայի հետ ռեստորանում, միլիարդատիրոջից 50 մլն դոլար է պահանջում։

TMZ-ը պարզել է Քերիի ու Փեքերի միջև կնքված պայմանագրի մանրամասները։ Փաստորեն, զույգը նախապես էր պայմանավորվել ամեն ինչի մասին։ Քերին հատուկ պայմանագրում մանրակրկիտ նկարագրել է նույնիսկ այն նվերները, որոնք մտադիր է ստանալ, նաև հագուստը, համերգների ֆինանսավորումը։

Կայքի տրամադրության տակ է հայտնվել Փեքերի թիմի նամակագրությունը Քերիի թիմի հետ։

Ահա Քերիի պայմանները․

«Թանկարժեք իրերի տեսքով նվերները պետք է արժենան առնվազն 250 հազար դոլար, որոնց վրա պետք է միշտ լինի This is my gift to you (Սա իմ նվերն է քեզ) գրությունը։

Փեքերը պետք է Քերիին ու երեխաներին ապահովեր հագուստով՝ խոսքը միայն հանրային միջոցառումների համար նախատեսված հագուստի մասին չէ։

Փեքերը պետք է Քերիին ու նրա թիմին տրամադրեր վարկային քարտ, որի վրա ամսական որոշակի գումար պետք է փոխանցվեր (գումարը նշված չէ)։

Ջեյմսը պետք է Քերիին մասնավոր օդանավ տրամադրեր՝ նրա, երեխաների ու երեխաների դայակների համար։

Ամուսնության յուրաքանչյուր տարվա համար Փեքերը պետք է Քերիին 6 մլն դոլար վճարի, ամուսնությունը նախատեսված էր 30 մլն դոլար առավելագույն գումարի համար (իսկ տարիները կարող եք ինքներդ հաշվել)։

Ահա այսպիսի բաներ, յուրահատուկ սեր է՝ խոսքեր չկան ․․․



© NEWS.am STYLE