Ձմռան մոտենալուն պես ինչ-որ տաք եւ համեղ բանով ջերմանալ ենք ուզում: Այս թեթեւ ապուրը դուր կգա նույնիսկ նրանց, ովքեր ապուրների սիրահար չեն:
Կախասնկով ապուր պատրաստելու համար անհրաժեշտ է.
Կախասունկ - 150 գրամ
Կարտոֆիլ - 3-4 հատ
Նեխուր - 1 ճյուղ
Գազար - 1 հատ
Սոխ - 1 գլուխ
Ինչպես նաեւ մաղադանոս, սամիթ, թթվասեր, բուսական յուղ եւ սերուցքային կարագ:
Մանր քերիչով հարկավոր է գազարը քերել, խորանարդի տեսքով կտրատել սոխը, նեխուրը, մաղադանոսը, կարտոֆիլը:
Երեք լիտրանոց կաթսայում ջուրը եռացնել, ավելացնել կարտոֆիլը, մաղադանոսն ու նեխուրը: Թավայի մեջ ձեթով եւ կարագով սոխը տապակել, ավելացնել գազարը եւ շարունակել տապակել:
Սունկը մաքրել, լվանալ, մանր կտրատել, ավելացնել սոխին ու գազարին եւ 5 րոպե տապակել։ Այնուհետեւ խառնուրդն ավելացնել ապուրին, հասցնել եռման աստիճանի, 3 րոպե եփել, կրակն անջատել, թողնել փոքր-ինչ սառչի:
Մատուցելուց առաջ թթվասեր ավելացրեք:
Բարի ախորժակ
Ձեր՝ Մաշա