Սիրուշոն՝ ամերիկյան հանրահայտ դիզայների վերջին հավաքածուի շքեղ զգեստով
11:33 8 նոյեմբերի, 2016Նոյեմբերի 6-ին ԱՄՆ-ում կայացած հայկական երաժշտական մրցանակաբաշխությանը ներկա էր հայկական շոու-բիզնեսի ողջ աստղաբույլը։ Հայտնի արտիստները, հաղորդավարներն ու շոումենները լրջորեն պատրաստվել էին միջոցառմանը՝ մանրակրկիտ մտածելով ոչ միայն իրենց ելույթների, այլեւ գեղեցիկ տեսքի մասին։
Հրավիրվածների թվում էր նաեւ երգչուհի Սիրուշոն, որը ներկայացել է ամերիկյան հանրահայտ դիզայներ Միքայել Կոստելլոյի մոդելավորած զգեստով։
Սիրուշոյի զգեստը դիզայների վերջին հավաքածուից է եւ կոչվում է «Emory»։
Դիզայների այս հավաքածուի գները սկսվում են 3500 դոլարից։
Ավելի վաղ Սիրուշոն լուսանկար էր հրապարակել դիզայների հանդերձասրահից։
Նշենք, որ Քալիֆորնիայից հայտնի դիզայներ Կոստելլոն աշխատում է այնպիսի աշխարհահռչակ աստղերի հետ, ինչպիսիք են Քիմ Քարդաշյանը, Բեյոնսեն, Ջենիֆեր Լոպեսը, Լեդի Գագան, Նիքի Մինաժը, Քեյթլին Ջեները (Քիմ Քարդաշյանի հայրացուն), Քեթի Փերին եւ ուրիշներ։