Բրազիլական «Miss BumBum» մրցույթի հաղթողն ու սկանդալը եզրափակիչից առաջ

17:33   10 նոյեմբերի, 2016

2011-ից Բրազիլիայում անցկացվում է «Miss BumBum» մրցույթը, որի հաղթողին որոշում են նրա հետույքի չափորոշիչներով։ Արդեն վեցերորդ տարին անընդմեջ կազմակերպվող մրցույթի շրջանակներում երկրի բոլոր նահանգներից ներկայացվում են 27 մասնակիցներ, որոնք պայքարում են «Տարվա լավագույն հետույք» տիտղոսին արժանանալու եւ մոտ 22000 դոլարի մոդելային պայմանագիր կնքելու հնարավորություն ստանալու համար։

Այս տարի մրցակցությունը շատ թեժ է եղել։ «Miss BumBum 2016»-ի հաղթող ճանաչվելու համար կանանցից յուրաքանչյուրն արել է հնարավոր ամեն ինչ՝ ավելի շատ ձայներ ստանալու եւ իրենց բաղձալի նպատակին ավելի մոտենալու համար։ Բայց հաղթողը մեկն էր, եւ դափնիները նվաճել է Էրիկա Կանելան՝ Բահիա նահանգից։

Սակայն մինչեւ նոյեմբերի 9-ին կայացած եզրափակիչը, աղջիկներից երկուսի հարաբերություններն այնքան էլ լավ չէին։ Սանտա Կատարինայից մոդել Դեննի Մորաիսը պնդում էր, որ իր մրցակիցներից Կարին Ալվիսը դիմել է խարդախությունների՝ ձայներ գնելով իր օգտին։

«Ես հետեւում էի առցանց քվեարկությանը։ Նա քվեարկության վերջին օրը ստորին հորիզոնականներից միանգամից հայտնվեց առաջատար եռակում՝  մի քան ժամում ստանալով միլիոնավոր ձայներ։ Առանց խաբեության այդքան ձայն անհնար է ստանալ։ Եթե նա հաղթի ես կխելագարվեմ, բայց կանեմ ամեն ինչ, որպեսզի բոլորն իմանան, որ նա խարդախության է դիմել», - մամուլում հայտարարել էր Դեննին։

Ավելին, մոդելը նաեւ պնդում էր, որ Ալվիսը ներարկումներ է արել հետույքի շրջանում, ինչը հակասում է մրցույթի կանոններին։ Իսկ Ռիոն ներկայացնող Ալվիսը, իհարկե, հերքում էր որեւէ կոսմետիկ միջամտություն անելու մեղադրանքները։

Բայց աղջիկները հավանաբար այժմ հաշտվել են իրար հետ, քանի որ արդեն ունեն մեկ ընդհանուր «թշնամի»՝ «Miss BumBum 2016 Էրիկա Կանելան։

 

Աղբյուրը՝ Daily Mail



© NEWS.am STYLE