«Ապահարզանի պատերազմ». Փիթը ձայնագրություններ ունի, որոնք կարող են վնասել Ջոլիին

Փիթի ու Ջոլիի միջեւ ապահարզանը շարունակվում է՝ դրան բնորոշ բոլոր անախորժ պատմություններով։ Իրականում, սա ասես «Տեր եւ տիկին Սմիթներ» ֆիլմի սցենարի կրկնությունը լինի։

Ջոլին, կարծես ծուղակի մեջ է հայտնվել։ Հիշեցնենք, որ Բրեդի նկատմամբ՝ երեխաների հետ դաժան վարվեցողության համար մեղադրանքները օրերս հանվել են։ Լոս Անջելեսի ոչ դատարանը, ոչ սոցիալական ծառայությունները 51-ամյա դերասանի մեղքն ապացուցող ոչ մի փաստ չեն գտել ու Էնջիի մեղադրանքները համարում են անհիմն։

Առայժմ, ըստ դերասանների միջեւ ժամանակավոր համաձայնության, Բրեդը կարող է երեխաներին միայն հանգստյան օրերին այցելել, այն էլ թերապեւտի ներկայությամբ։ Սակայն հաշվի առնելով այն փաստը, որ Փիթի դեմ ոչ մի գործ չի հարուցվել ու երեխաների հետ դաժան վարվեցողության ոչ մի ապացույց չի գտնվել, միանգամայն հնարավոր է, որ երեխաների նկատմամբ համատեղ խնամակալություն ստանալու մասին Փիթի ցանկությունը շուտով կիրականանա։ Շանսերը, համենայն դեպս, հսկայական են։

Hollywood Life-ը գրում է, որ Փիթին մոտ կանգնած աղբյուրների խոսքով դերասանն ունի ձայնագրություններ, որոնք կարող են լրջորեն ազդել ապահարզանի վրա ու վնասել Էնջիին։ Սակայն, դեռ հայտնի չէ, թե ինչ ձայնագրություններ են դրանք։

«Մենք վստահ ենք, որ ձայնագրությունները, եթե դրանք ներկայացնենք հասարակայնոթյանը, Անջելինա Ջոլիի դեմ ջախջախիչ ապացույցների դեր կկատարեն։ Ոչ ոք չի ուզում կեղտոտ խաղ վարել, բայց Անջելինան ու նրա թիմը տարված են Բրեդին հեղինակազրկելով, որպեսզի խանգարեն նրան երեխաների հանդեպ խնամակալություն ստանալ։ Այո, օդանավում վեճ է ծագել Փիթի ու Մեդդոքսի միջեւ, բայց ոչ մի լուրջ բան տեղի չէր ունեցել»,- պատմել է աղբյուրը։