Ռուսական «Ձայնը» նախագծի մասնակից Անդրեյ Դավիդյանը մահացել է մոսկովյան հիվանդանոցում

Մոսկովյան հիվանդանոցներից մեկում կյանքից հեռացել է ռուսական «Ձայնը» նախագծի մասնակից, հայ հայտնի երգիչ Անդրեյ Դավիդյանը, հայտնում է Life.ru-ն: 60-ամյա արտիստը մահացել է այսօր առավոտյան:

Մահվանից առաջ նրան շտապ հոսպիտալացրել էին ուղեղի կաթվածի պատճառով: Դավիդյանը կոմայի մեջ էր ընկել: Դավիդյանի առողջական ծանր վիճակի մասին գրված էր նաեւ նրա Facebook-յան էջում:

Երաժշտի հարազատները չեն մեկնաբանել մահվան լուրը:

Նշենք, որ Դավիդյանն իր երաժշտական ուղին սկսել է դեռեւս 1993-ից, երբ հիմնեց Sound Cake խումբը:

2013-ին նա մասնակցել է ռուսական «Ձայնը» նախագծի կույր լսումներին՝ կատարելով «Georgia on my mind» երգը: Նա ճանաչվել էր «երեկոյի աստղը»: