«Մանկական Եվրատեսիլ 2016». Անահիտի եւ Մերիի վերջին փորձն ու մամուլի ասուլիսը
12:50 19 նոյեմբերի, 2016Վաղը՝ նոյեմբերի 20-ին, կկայանա «Մանկական Եվրատեսիլ» երգի մրցույթը, որն այս տարի անմոռանալի կլինի 17 երկրներից Մալթա ժամանած փոքրիկ արտիստների համար։ Նրանց թվում են նաեւ Հայաստանի պատվիրակներ Մերի Վարդանյանն ու Անահիտ Ադամյանը։
Երեկ կայացել է տաղանդավոր դուետի մամուլի ասուլիսը, որի ընթացքում երեխաները ներկայացրել են իրենց երգը, թե ինչով են իրենք տարբեր։ Երգի հեղինակներից Նիք Էգիբյանը պատմել է Ավետ Բարսեղյանի հետ համատեղ երգի ստեղծման մասին, իսկ պատվիրակության ղեկավար Գոհար Գասպարյանը նշել է, որ սպասվում է կախարդական շոուի եւ կարեւորը գեղեցիկ ելույթն է։
Երեխաները նաեւ կատարել են հայտնի արտսիտների հիթերից։
Մերին ներկայացրել է Դավիդ Բիսբալի ստեղծագործություններից, իսկ Անահիտը՝ «Եվրատեսիլ 2014»-ին Շվեդիան ներկայացրած Սաննա Նիլսենի երգացանկից «Undo»-ն։
Իսկ ասուլիսից առաջ երեխաները կրկին բարձրացրել են եվրատեսիլյան բեմ՝ իրենց երկրորդ եւ վերջին փորձին։
Լուսանկարներն՝ Instagram