Շուտով Նոր տարի է. ժամանակ, երբ արտիստները կորպորատիվ երեկույթներին ելույթներով մեծ փողեր են աշխատում: Teleprogramma.pro կայքը ճշտել է ռուսական աստղերի ամանորյա գնացուցակը:
Հայտնի է, օրինակ, թե ամանորյա ելույթի համար որքան է ստանում Ռուսաստանի ամենասեքսուալ կինը՝ Վերա Բրեժնեւան: Ամանորյա տոներին մեկ կորպորատիվում ելույթի համար Վերան 40 հազար եվրո է ստանում:
Հայտնի շոումեն Իվան Ուրգանտի հոնորարը մեկ կորպորատիվի համար 50 հազար եվրո է:
Օրերս որդի ունեցած Քսենիա Սոբչակը 20 հազար եվրո կստանա՝ գումարած դիմահարդարի եւ ոճաբանի ծառայությունները:
Վլադիմիր Պրեսնյակովն ու կինը՝ Նատալյա Պոդոլսկայան, համատեղ ելույթի համար 26 հազար են պահանջում:
Երգչուհի Պելագեան հղիության վերջին ամիսներն է անցկացնում, այդ պատճառով հրաժարվում է ելույթ ունենալ նույնիսկ 75 հազարով: Դեղագործական ընկերությունը նրան թիկնապահներ եւ սրահում լուսանկարելու եւ տեսագրելու արգելք է առաջարկել, բայց երգչուհին հրաժարվել է ելույթից:
«Дом 2» նախագծի հաղորդավարուհի Օլգա Բուզովան դեկտեմբերին ամանորյա կորպորատիվ վարելու համար 10 հազար է պահանջում:
Սրանք դեկտեմբերյան կորպորատիվների գներն են. դեկտեմբերի 31-ից մի քանի օր առաջ ելույթի եւ միջոցառում վարելու համար սրան 20-40% է ավելանում: Ամանորի գիշերը բազմաթիվ աստղեր կրկնակի են պահանջում կամ ելույթի համար ստանդարտ գումարին 50% են ավելացնում: