Քիմ Քարդաշյանը Երախտագիտության օրը կանցկացնի հիվանդանոցում՝ Քանյե Ուեսթի հետ
14:35 24 նոյեմբերի, 2016Հայտնի չէ՝ ո՞վ էր խոսում ամուսնալուծության մասին, բայց Քիմն իրեն ուժեղ կնոջ, իսկական կողակցի պես է պահում (մի խոսքով՝ հայուհու):
Քիմ Քարդաշյանը Երախտագիտության օրն անցկացնելու է հիվանդանոցում, Քանյե Ուեսթի հետ:
Հիշեցնենք, որ ռեփերին հիվանդանոց են տեղափոխել իր մարզչի տանը ոչ ադեկվատ պահվածքի պատճառով, ախտորոշումը՝ հյուծում: Քիմ Քարդաշյանը շարունակում է ամուսնու կողքին մնալ: Ի դեպ, երեկ նաեւ հայտնի դարձավ, որ նյարդային խանգարումը Քանյեին կարող է միլիոնավոր դոլարներ բերել:
Ըստ People-ի՝ Քիմն անընդհատ ամուսնու կողքին է, միայն երեկ ժամանակավորապես տուն է գնացել, իսկ առավոտյան նորից վերադարձել (նշենք, որ թիկնապահն անընդհատ ուղեկցում է Քիմին):
Պարբերականի աղբյուրների հաղորդմամբ՝ ռեփերն արդեն ավելի լավ է զգում:
«Քանյեն աստիճանաբար ուշքի է գալիս: Նա հասկանում է, որ հանգստի կարիք ունի: Նա նյարդային խանգարում է ունեցել, հիմա հետսթրեսային վիճակում է»,- նշել են աղբյուրները:
Entertainment Tonight-ն իր հերթին գրում է, որ Քիմն աջակցում է Քանյեին:
«Քիմն աջակցում է ամուսնուն: Նա ծիծաղում է ամուսնալուծության մասին լուրերի վրա»,- նշել է պարբերականի աղբյուրը: