«Եվրատեսիլ 2017» հնարավոր է չանցկացվի Ուկրաինայում
11:16 28 նոյեմբերի, 2016«Եվրատեսիլ 2017» դեռ չսկսած, արդեն ամիսներ առաջ հայտնվել է քննարկումների կիզակետում։
Ինչպես գիտեք, մրցույթի կանոնների համաձայն՝ անցյալ տարվա հաղթող երկիրը պետք է ստանձնի 2017-ին կայանալիք շոուի կազմակերպման պարտականությունները։ Բայց երեւում է` մյուս տարի մրցույթը հնարավոր է չանցկացվի Կիեւում, որտեղ եւ պետք է տեղի ունենար երգչուհի Ջամալայի հաղթանակի շնորհիվ։
Պարզվում է, մրցույթի կազմակերպիչները եւ ուկրաինական կողմը անհամաձայնություններ ունեն։ Դեռեւս հոկտեմբերին, երբ Եվրոպական հեռարձակողների միության ներկայացուցիչները այցելել են Ուկրաինա, նկատել են, որ ուկրաինական ազգային հեռարձակողը նախատեսված գրաֆիկից երեք ամիս հետ է ընկել եւ կան կազմակերպչական եւ ֆինանսական բազում խնդիրներ։
Ուկրաինական կողմի ղեկավար Ալեսանդր Հարեբինը հայտարարել է, որ մրցույթը հնարավոր է տեղափոխվի այլ երկիր։ Որոշումը պետք է կայացնի Եվրոպական հեռարձակողների միությունը, որը հարցը կքննարկի եւ վերջնական հայտարարությունը կանի դեկտեմբերի 8-ին։
Աղբյուրը՝ Wiwibloggs