«Ամանորյա» ուտեստ կամ ձու՝ մսի մեջ. բաղադրատոմս NEWS.am STYLE-ից
18:13 4 դեկտեմբերի, 2016Ամանորը սարերի հետեւում չէ, եւ բոլոր տանտիրուհիներն ուզում են հարազատներին եւ հյուրերին որեւէ նոր ուտեստով զարմացնել: Սակայն հայտնի է, որ տոնական օրերին ոչ բոլոր տնտեսուհիներն են համարձակվում փորձեր անել: Այնպես որ՝ առաջարկում եմ այս պարզ, բայց ինքնատիպ եւ համեղ ուտեստը նախապես պատրաստել, առանց հատուկ առիթի:
«Ամանորյա» ուտեստի պատրաստման համար մեզ անհհրաժեշտ են.
Խոզի միս՝ 250 գրամ;
Տավարի միս՝ 250 գրամ;
Սոխ՝ 1 հատ;
Ձու՝ 3 հատ;
Մանրացված պաքսիմատ՝ 2 ճ/գ;
Աղացած սեւ պղպեղ;
Աղ;
Կանաչեղեն:
Սոխը խորանարդաձեւ կտրատեք, կանաչեղենը մանրացրեք:
Աղացած տավարի միսը խառնեք խոզի մսին, ավելացրեք սոխը, կանաչեղենը, պաքսիմատը, ձուն, աղն ու պղպեղը:
Ստացված զանգվածը երկու մասի բաժանեք:
Մի մասին բոքոնի տեսք տվեք: Վերեւից դրեք նախապես խաշած երկու ձուն, մսի մնացած մասով ծածկեք:
Փաթաթեք փայլաթիթեղով եւ 50 րոպե եփեք ջեռոցում:
Ձեր հարազատներին զարմացրեք եւ ուրախացրեք սովորական օրերին, մի՛ սպասեք տոներին:
Բարի ախորժակ...
Ձեր՝ Մաշա