1988-ի դեկտեմբերի 7-ին, ժամը 11։41 Հայաստանի 21 քաղաքներում ժամանակը կանգ առավ։ Տեղի ունեցավ աղետալի երկրաշարժ, որը դարձավ մոտ 25000 հայի մահվան պատճառ եւ անտուն թողեց հարյուրավոր ընտանիքների, որոնց կյանքը բաժանվեց երկու մասի՝ երկրաշարժից առաջ եւ դրանից հետո։
Անսպասելի աղետի հետեւանքով ավերվեցին ոչ միայն բազում շինություններ, այլեւ մարդկային ճակատագրեր։ Հիմա՝ կատարվածից 28 տարի անց, դեռ կան մարդիկ, ովքեր ապրում են տնակներում՝ նախքան երկրաշարժի փլատակների տակ հայտնված իրենց տուն վերադառնալու մեծ հույսով։
Դեկտեմբերի 7-ին մահացածների համար աղոթում են բոլորը։ Հայ հայտնիները նույնպես հիշում են այս աղետալի օրն ու սգում տուժածների համար։